NYEMOK /MAKAN DI KENDURI

Tegingat dang musim ngaguk di dusun, tradisi jemo kito bilo bunting ngan pengaten lah resmi di nikahkan, pagi ari o biasonyo ado acara semacam lok resepsi, undangan jak di dusun lain datang, termasuk jak didusun nyo ado hajat, nah biasonyo pas makan siang istilah jemo kito NYEMOK, nah bilo nak di mulai i pihak panitia biasonyo keliling dusun mantau i jemo, mangko bekumpul ke arah uma punco, kito nyemok besamo.
Tradisi ini lah turun temurun, di sepanjang Lintang IV Lawang, biasonyo kalu banyak undangan pihak sahibul hajat numpang makai uma deng begadeng nyo ado di sekitar uma o, nah disini a letak kekompakan jemo dusun kito, nak makan bae kito masih ado caronyo, bilo pihak tuan uma lah selesai ngan sambutan, neng beraneng pokok o lah komplit ngan tamatan pengaten segalo, nah mulakya....makanan di kirim ke uma-uma nyo masang idangan, mulak jak diuma punco sampai ke uma nyo diilir ngan ulu o, ado nasi SAMIN, di pucuko dienjuk pergedel daging, gulai daging undak nanas dan lain sebagai o, disini kito makan nedo pakai sendok, ado cerek ntan basu tangan, bilo lah ndak mulai makan, adonyo matak itu cerek ngan baskom, kito di suruh basuh tangan sambil disiram lah jemo nyo matak ayek tadi......., cuma kadang biasonyo ayek minumo galak tetinggal, pas udem makan....ayek minumo belum datang....oi............asat nian apo agi udem makan sambal, nah itua sekilas ngingatkan cerito NYEMOK di dusun, cerito ini sebenar o nedo komplit nian, nah kalu ado nyo ndak nambahi. kirimkan bae pacak lewat komen atau langsung bae ke imel aku, kelo ku postingkan....OI..UMAK KEBILO NIAN PACAK NYEMOK AGI.........(Ngindu Ngan Dusun)